ՈՒշադրություն

SAFER նախաձեռնության նպատակն է աջակցել Հայաստանի մարզերում խոցելի և կին գլխավոր ունեցող տնային տնտեսություններին էներգաարդյունավետության և վերականգնվող էներգիայի միջոցառումների իրականացմանը, որը կնվազեցնի ընտանիքի էներգետիկ ծախսերը, կբարձրացնի ընտանիքի էներգետիկ դիմակայունությունը, կխթանի շրջակա միջավայրի պահպանությունը, կամրապնդի կանանց դերը որպես կայուն փոփոխությունների հիմնական շարժիչ ուժ։

Շահառու դառնալու համար կարող են դիմել կին գլխավոր ունեցող այն տնային տնտեսությունները, որտեղ չափահաս մշտական բնակվող կինը տնային տնտեսության անդամների կողմից նշանակված է որպես տնային տնտեսության գլխավոր և ունի որոշումներ կայացնելու պատասխանատվություն։ Դիմորդ տնային տնտեսությունները պետք է նաև համապատասխանեն ստորև նշված խոցելիության մեկից ավելի չափանիշներին։

- Ազգային սահմանման համաձայն սոցիալապես անապահով համարվող տնային տնտեսություններ (ընտանեկան, սոցիալական նպաստ ստացողներ)
- Տնային տնտեսությունում կան տարեց (63+) կամ հաշմանդամ անդամներ
- Տնային տնտեսությունը տեղահանված է կամ ունի փախստականի կարգավիճակ
- Բազմազավակ ընտանիքներ (3 և ավելի անչափահաս երեխաներ նույն ընտանիքում)
- Կինը միայնակ է մեծացնում երեխաներին
- Ընտանիքում կան առանց ծնողական խնամքի մնացած երեխաներ կամ կերակրողին կորցրածներ
- Ամուսինը մշտապես բացակայում է կամ բացակայում է երկար ժամանակով (օրինակ՝ նա աշխատում և ապրում է արտասահմանում, ծառայում է բանակում, ռազմագերի է, անհետ կորել կամ մահացել է ռազմական գործողությունների հետևանքով, գտնվում է անազատության մեջ կամ այլ նմանատիպ պատճառով)
- Ընտանիքի չափահաս անդամները միայն կանայք են

նախաձեռնության շրջանակում տրամադրում է ֆինանսական աջակցություն՝
- տների ջերմամեկուսացման,
- արևային ֆոտովոլտային համակարգերի տեղադրման,
- արևային ջրատաքացուցիչի տեղադրման,
- էներգաարդյունավետ վառարանի տրամադրում (այս աջակցության համար համաֆինանսավորում չի պահանջվում)։

Նախաձեռնության շրջանակում ընտրվելու են 300 խոցելի և կին գլխավոր ունեցող ընտանիքներ թիրախային 4 մարզերից` Սյունիք, Գեղարքունիք, Տավուշ և Շիրակ:

Դիմելու համար անհրաժեշտ է լրացնել այս էջում տեղադրված դիմում-հայտը:

Այո, շահառուն մատակարարին վճարում է համաֆինանսավորման չափը, մնացած մասը` որպես աջակցություն վճարվում է նախաձեռնությունն իրականացնող կազմակերպության կողմից։

Շահառուներն ընտրվում են դիմում-հայտերի և փաստաթղթերի հիման վրա՝ ըստ նախաձեռնության չափանիշների համապատասխանության։

Դիմումների դիտարկումից հետո ծրագրի թիմը կապ կհաստատի ընտրված շահառուների հետ և կտեղեկացնի հաջորդիվ քայլերի մասին։

Կոնտակտային տվյալները նշված են էջի ներքևի հատվածում, ըստ մարզերի կարող եք դիմել համապատասխան կառույցներին։ Ներկայացված են քաղաքացիների սպասարկման գրասենյակների, ՀԿ-ների հասցեներ, որտեղ կարող եք ստանալ տեխնիկական աջակցություն։

Էներգետիկ աուդիտը հնարավորություն է տալիս պարզել էներգետիկ կորուստների հիմնական աղբյուրները եւ ընտրել արդյունավետ էներգախնայողական միջոցառումներ։